17 saylı cəzaçəkmə müəssisəsi rəhbərliyi İTTİHAM OLUNUR
12-08-2023, 10:58
DİA.AZ: - Astara rayonu Ərçivan kənd sakini Əlimə Rəhimova hazırda 17 saylı cəzaçəkmə müəssisəsində saxlanılan oğlunun həyatından narahat olduğunu bildirib. DİA.AZ-ın məlumatına görə, o açıqlamasında övladına işgəncənin verildiyini iddia edib.
Narazı vətəndaş bildirir: "Oğlum Ələmdar Novruz oğlu Rəhimov 17 saylı cəzaçəkmə müəssisəsində saxlanılır. Oğlumla məhkum yoldaşı arasında mübahisə olub və buna görə də həbsxana rəhbərliyi oğlumu vəhşicəsinə döyərək, ona xəsarətlər yetiriblər.
Oğlumun ağır vəziyyətdə olmasına baxmayaraq, onu aprel ayının 7-dən 20-nə kimi karserdə saxlayıblar, heç bir tibbi yardım göstərməyiblər".
DİA.AZ bildirir ki, narazı vətəndaş mətbuat vasitəsilə ölkə rəhbərliyinə müraciət edib:
"Mən Prezidentdən, Birinci viste-prezidentdən, ombudsmandan xahiş edirəm ki, oğluma qarşı bu vandalizmi törədənləri cəzalandırsınlar".
Məsələ diqqətimizdədir. Əlavə bilgilərimiz olacaq.
İddia olunanlarla bağlı dia.az olaraq qarşı tərəfi də dinləməyə hazırıq...
Geri qayıt