Güneylilər Bakıda təşkilatlanır: FAYDASI NƏ OLACAQ?
29-04-2023, 08:31
Bakıda keçirilən tədbirdə Bütöv Azərbaycan Koordinasiya Mərkəzi elan olundu. Quzey, Güney və Qaşqay türkləri eyni vaxtda bir Koordinasiya Mərkəzində təmsil olunurduq.
DİA.AZ bildirir ki, bu sözləri Axar.az-a Azərbaycan Milli Dirəniş Təşkilatının sözçüsü Məcid Cavadi Bütöv Azərbaycan Koordinasiya Mərkəzinin yaradılmasının əhəmiyyətindən danışarkən deyib.
O, bu mərkəzin Bakıda olmasının Güney Azərbaycan üçün əhəmiyyətli olduğunu diqqətə çatdırıb:
“Quzeydən gələn dəstək bizim üçün çox vacibdir. Mənəvi dəstək çox mühümdür. Bu dəstək bizim Güney Azərbaycanda apardığımız mücadiləmizdə həyatı önəm daşıyır. Media dəstəyinin olması da vacibdir. Çünki Quzey ictimaiyyəti Güneydə baş verənlər haqqında doğru şəkildə məlumat ala bilir”.
Məcid Cavadi partiyaların əməkdaşlığının ilk təcrübə olmadığını bildirib:
“Öncələr də Güney və Quzey Azərbaycan təşkilatları ortaq platformalar qurub, bir araya gəliblər. Lakin Bütöv Azərbaycan Koordinasiya Mərkəzi nisbətən fərqlidir. Yeni qurulan mərkəzin əsas məqsədi Quzeydə fəaliyyət göstərmək, Quzey Azərbaycandan Güneyə olan mənəvi və ictimai dəstəyi doğru istiqamətləndirməkdir”.
Geri qayıt