"9 aprel mitinqi əvvəlkilərdən də acınacaqlı olacaq"
31-03-2017, 09:56
“Milli Şuranın aprelin 9-da keçirəcəyi mitinq əvvəlkilərdən də acınacaqlı olacaq”.
Bu fikirləri AzVision.az-a ABŞ-da yaşayan müxalifətçi, keçmiş spiker Rəsul Quliyev deyib.
R.Quliyev bildirib ki, mitinqin bu gün sosial bazası hələ yaranmayıb: “Mitinqin təşkilatçıları hansı sorğuya söykənib, belə riskli addım atmaq istəyirlər, bunu bilmirəm. Əgər yenidən əvvəllər olduğu kimi arada fırlanıb heç bir işlə məşğul olmayan "aktivistlərin” "Bəy xəbərin yoxdur, vəziyyət indi təmiz dəyişib, xalq bir işarəyə bənddir tökülüşüb, nəinki meydanı lap küçələri də dolduracaqlar. Elə mən mitinqə azı 500 adam gətirəcəyəm" şüarları ilə avantüraya gedirlərsə, bu mitinqin vəziyyəti əvvəlkilərdən də acınacaqlı olacaq. Əgər hansı isə sifarişi yerinə yetirirlərsə və sifarişçinin "siz qorxmayın, biz də adamla kömək edəcəyik" vədinə güvənib, bu işi görürlərsə, sifarişçi ancaq özü istədiyi qədər insanla kömək edər, artıq yox”.
Sabiq spiker vurğulayıb ki, hər iki halda ziyan xalqın inamına dəyəcək: “Ən təhlükəlisi sifarişçi ardıncan bir mitinq keçimək tapşırığı verə bilər. Tam deqradasiyaya nail olmaq xatirinə”.
Geri qayıt