İran qırıcısı qəzaya uğrayıb
13-01-2016, 08:40
İran dövlət televiziyasının məlumatına görə, F-4 Fantom qırıcı təyyarəsi Pakistanla sərhəd yaxınlığında qəzaya uğrayıb, iki pilot həlak olub.
Hadisə yanvarın 12-də, Konarak hava bazasından 45 mil qərbdə, paytaxt Tehrandan 900 mil cənub-şərqdə baş verib.
Xəbərdə qəzanın səbəbinin bəlli olmadığı, təhqiqat getdiyi vurğulanır.
Pilotlar təlim missiyası həyata keçirirmiş.
İran Hava Qüvvələri ABŞ istehsalı olan Fantom təyyarələrini 1979-cu il İslam İnqilabından öncə alıb. Hazırda İran və Rusiya istehsalı olan qırıcıları da var.
İranda son illər bir neçə hərbi təyyarə qəzaya düşüb.
Geri qayıt