300 kiloluq ölünü traktorla basdırdılar
6-01-2016, 08:50
Türkiyənin Qaziantep vilayətində qeyri-adi dəfn hadisəsi baş verib.
ANS PRESS-in məlumatına görə, 300 kq çəkisi olan 39 yaşlı Mustafa Erkan Öztürkün cəsədini evdən çıxarmaq mümkün olmayıb. Onun qohumları bu məqsədlə Dövlət Yanğından Mühafizə xidmətindən yardım istəyib. Öztürkün cəsədi xüsusi avadanlıq və vasitələrlə əvvəl məscidə aparılıb. Burda yuyulub kəfənlənən və cənazə namazı qılınan Mustafa Erkanın nəəşi daha sonra dəfn olunmaq üçün yük maşını ilə məzarlığa aparılıb.
İnsan qüvvəsi ilə götürülməsi mümkün olmayan 300 kiloluq cəsəd traktorun yardımı ilə məzara qoyularaq dəfn edilib.
Mərhumun qohumları göstərdiyi dəstəyə görə Qaziantep bələdiyyəsinə öz təşəkkürünü bildirib.
Geri qayıt