Gürcüstan İŞİD videosunu araşdırır
25-11-2015, 08:59
Gürcüstan İslam Dövləti (İD) qruplaşmasının yaydığı videonu araşdırmağa başlayıb. Videoda Suriyada İD yaraqlıları ilə yanaşı döyüşən, gürcücə danışanlar göstərilir.
12 dəqiqə yarımlıq video İnternetdə yayılandan bir gün sonra, noyabrın 23-də Gürcüstan Dövlət Təhlükəsizlik Xidməti araşdırmaya başladığını bildirib.
Videoda 4 kişi gürcücə danışır, əllərində AK-47 avtomatı və RPG qumbaraatanı tutub, Gürcüstandakı müsəlmanları “xilafətə” qoşulmağa çağırır.
Həmin şəxslər Gürcüstanın müsəlmanlar yaşayan Acarıstan regiondakı müsəlman ruhaniləri sərt tənqid edir, “xəyanətkarlar”ın başını kəsməklə hədələyir.
Gürcüstan mediası həmin şəxslərin Acarıstanın keçmiş sakinləri olduğunu yazır.
Gürcü rəsmiləri onlarla gürcünün Suriya və İraqdakı İD yaraqlılarına qoşulduğunu bildirir.
Geri qayıt