Ukraynada "exit-poll" nəticələri bilinib
27-10-2015, 08:48
Oktyabrın 26-da Ukraynada yerli özünüidarəetmə orqanlarına keçirilən seçkilərlə bağlı “exit-poll” nəticələri bəllidir. Oktyabrın 26-da açıqlanmış ilkin nəticələr Prezident Petro Poroshenko hökumətinin ölkənin qərbində və mərkəzində dominant mövqeyini saxlayacağını göstərir.
Cənub və şərq hissələrdə isə seçicilər daha çox Müxalifət Blokuna səs veriblər. Bu blok 2014-cü ilin əvvəlində devrilmiş rusiyapərəst prezident Viktor Yanukovych-in partiyasının üzvlərindən ibarətdir. .
Poroshenko ilkin nəticələri alqışlayıb və deyib ki, bu, Rusiyanın ölkəyə nəzarət cəhdləri üzərində qələbədir.
Oktyabrın 26-da Mərkəzi Seçki Komitəsi nəticələrin hələlik 30 faizini əldə etdiyini bildirib. Yekun nəticələrin noyabrın 4-də açıqlanacağı gözlənir.
Geri qayıt