Ukrayna mayoru terrorçuluqda ittiham edir
30-07-2015, 08:45
Ukrayna dövlət təhlükəsizlik xidməti iyulun 26-da Ukraynanın şərqində partlayıcı dolu yük maşını ilə saxlanmış rus mayorunun kimliyini müəyyənləşdirib və ona terrorçuluq ittihamı irəli sürüb.
Təhlükəsizlik xidmətinin rəhbəri Vasyl Hrytsak iyulun 29-da jurnalistlərə deyib ki, 37 yaşlı Vladimir Starkov Rusiyanın Kirov regionundandır və elə saxlanan kimi Rusiya silahlı qüvvələrində xidmət etdiyini açıqlayıb. Onu yük maşını ilə birlikdə Donetsk şəhərinin 22 kilometrliyində nəzarət-buraxılış məntəqəsində saxlayıblar.
Ukraynanın bu işə əsaslanaraq Rusiyanın ölkənin şərqindəki münaqişədə iştirak etməsi ittihamlarını gücləndirəcəyi görünür. Kreml ittihamları rədd edir.
Geri qayıt