“Rusiya onlarla yeni ballistik raket alır”
19-06-2015, 10:17
Rusiya öz nüvə arsenalına onlarla yeni qitələrarası ballistik raket əlavə edəcək. Bu iddianı ABŞ Dövlət katibinin Avropa və Avrasiya məsələləri üzrə köməkçisi Victoria Nuland səsləndirib.
O bu barədə açıqlamanı Çexiyanın paytaxtı Praqada səfərdə ikən jurnalistlərin suallarını cavablayarkən verib. “Biz Rusiyanın daxilində həqiqətən də nə baş verdiyinə baxanda, gördüklərimiz dramatikdən heç də zəif deyil” – deyə o, əlavə edib.
Rusiya prezidenti Vladimir Putin iyunun 16-da açıqlama verib ki, ölkəsi bu il ərzində öz nüvə arsenalına 40-dan çox yeni qitələrarası ballistik raket əlavə edəcək. Amma bir gün sonra – iyunun 17-də rəsmi Kreml bildirib ki, Rusiya bahalı yeni silahlar almaq niyyətində deyil, çünki bu, ölkə iqtisadiyyatına zərbə olar.
Geri qayıt