AB Rusiyanı Ukraynada atəşkəsi təmin etməyə çağırır
21-10-2014, 09:49
Avropa Birliyi (AB) Rusiyanı Ukraynada böhranı həll etmək üçün Minsk razılaşmasındakı öhdəliklərini yerinə yetirməyə çağırır.
AB oktyabrın 20-də xarici işlər nazirlərinin görüşündən sonra bəyanat yayıb. Qurum bildirir ki, “Minsk sənədləri çərçivəsində bütün digər öhdəliklərin dərhal yerinə yetirilməsini” gözləyir. AB həmçinin “qanunsuz silahlı qrupları, hərbi texnikanı, yaraqlıları geri çəkməyə, Ukrayna-Rusiya sərhədinin təhlükəsizliyini təmin etməyə” çağırır.
Bəyanatın verildiyi gün Ukraynanın şərqində, separatçıların nəzarətində olan Donetsk şəhərində sursat zavodu partladılıb. Xəsarət alanlar barədə məlumat yoxdur.
Rusiyayönlü yaraqlılar Ukrayna qüvvələrinin zavodu raketlə vurduğunu deyir. Ukrayna ordusu hadisəyə dəxli olmadığını bildirib.
Geri qayıt