İŞİD Kobaninin əksər məhəllələrini ələ keçirdiyini bəyan edib
9-10-2014, 12:03
Suriyanın Türkiyə ilə sərhəddə yerləşən Kobani şəhərinin “İslam Dövləti” (İŞİD) terror təşkilatı tərəfindən ələ keçirilməsi barədə təzadlı xəbərlər yayılmaqdadır.
SalamNews–un "əl-Cəzirə"yə istinadla verdiyi xəbərə görə, İŞİD mənbələri Təşkilatın Kobaninin əksər məhəllələrini ələ keçirdiyini, hazırda həmin məhəllələrdə "təmizləmə" əməliyyatlarının aparıldığını və tezliklə şəhərin ələ keçirildiyini açıqlayacağını bildiriblər.
Kürd və ABŞ mənbələri isə Kobaninin hələ də müqavimət göstərdiyini və şəhərə nəzarət olunduğunu söyləyiblər.
Bildirək ki, ABŞ və müttəfiq qüvvələri bu gecə də İŞİD-in Kobani ətrafındakı mövqelərinə aviazərbələr endiriblər. Lakin bu, terrorçuların irəliləməsinə mane olmayıb.
Geri qayıt