Rusiya Ukraynaya irimiqyaslı hücuma hazırlaşır
8-07-2014, 12:55
Rusiya Ukrayna ilə sərhədə qoşunların sayını artırır.
ANS TV-nin məlumatına görə, Ukraynada hökümət qoşunları Slavyanskı ələ keçirdikdən sonra Ukrayna Daxili İşlər Nazirliyi şəhərin yenidən qurulmasını öz üzərinə götürüb. Yerli sakinlər üsyançıların idarəçiliyi dönəmlərində dinc əhaliyə qarşı pis davranıldığını deyirlər.
Daxili işlər naziri Arsen Avakov Slavyanskda vəziyyətin dəyişdiyini, şəhərin yenidən həyata qayıtdığını və bu dəyişkənliyi bir-iki günə hamının hiss edəcəyini deyib.
Ukraynalı rəsmilər isə Rusiyanın Ukrayna sərhədi boyunca qoşunların sayını artırdığını xəbər verir.
Dövlət Sərhəd Xidmətinin rəis müavini Pavel Şişolin bildirb ki Rusiya Federasiyası tərəfdən sərhəddə hərbi vasitələr gətirilməyə davam edir.“Bura tanklar, zirehli şəxsi heyət daşıyıcıları və digər zirehli texnika daxil olur. Bu kimi faktlar hər gün qeydə alınır.”
Ukrayna prezidenti Pyotr Poroşenko Donetsk və Luqanskin azad olunmasi ilə bağlı planı təsdiqləyib.
Geri qayıt