Çinə qarşı sanksiyalar ideyası: Vaşinqton məhdudiyyətlərin tətbiqinə hazırdır?
22-02-2024, 08:03
ABŞ Konqresinin Nümayəndələr Palatasının Xarici Əlaqələr Komitəsinin üzvü Jerald Konnolli “Rusiyanı dəstəklədiyinə görə” Çinə qarşı sanksiyaların mümkünlüyünü barədə danışıb. Vaşinqtonun Pekinə qarşı sanksiyalar tətbiq edib-etməyəcəyi ilə bağlı suallar açıq qalır. Çünki əksər beynəlxalq ekspertlər Birləşmiş Ştatların belə addım atmasının riskli olduğunu, bunu amerikalı siyasətçilərin anladığı qənaətindədirlər.
Ukraynalı politoloq Vitali Kulik mövzu ilə bağlı mülahizələrində bildirir ki, Çinə qarşı Vaşinqtonun sanksiyalar tətbiq etməsi mümkündür: “Amma hələlik mən bunu ABŞ-dakı prezident seçkiləri kampaniyasının elementi kimi görürəm. Keçmiş Prezident Donald Trampın çinli sahibkarların ABŞ-ın strateji müəssisələrindən zorla çıxarmaq təşəbbüslərini xatırlamaq olar".
"Düşünürəm ki, ABŞ-da keçiriləcək seçkilərə yaxın Çinə qarşı sanksiya mexanizmləri ilə bağlı təşəbbüslərin sayı artacaq. Trampı dəstəkləyən qruplar oxşar ideyalar irəli sürəcəklər. Bununla belə, demokratlar da oxşar təşəbbüslər irəli sürə bilərlər - opponentlərindən bəzi arqumentləri götürmək üçün. Əsas məsələ odur ki, ABŞ sanksiyalar tətbiq etməyə, sanksiya mexanizmlərini tətbiq etməyə, sanksiya ideyasını reallaşdırmağa nə dərəcədə hazırdır? İkincisi, bu ideyalar Amerika korporasiyalarının maraqlarına nə dərəcədə uyğundur. Və təbii ki, ABŞ bu cür sanksiyalara görə nə qədər ziyana getməyə hazırdır və ümumiyyətlə, hazırdırmı?”, - ekspert vurğulayıb..
“Fakt budur ki, əgər sanksiyalar tətbiq olunarsa, Çindən simmetrik və asimmetrik cavab olacaq. Söhbət bəzi əməliyyatların dayandırılmasından gedir. Eyni zamanda, Koreya yarımadasında eskalasiya mümkündür. Ona görə də məncə, sanksiyalar ideyası daha çox seçki kampaniyasına hesablanıb. Burada Çinə qarşı hansısa məhdudiyyətlər paketinin tətbiqi üçün sistemli siyasət görünmür”, - Kulik əlavə edib.
Analitik qeyd edib ki, Çinin həqiqətən Rusiyaya dəstək verməsinə baxmayaraq, nə respublikaçılar, nə də demokratlar Pekinin Moskvanın arxasında olduğuna dair heç bir illüziyaya sahib deyillər: “ABŞ Pekinlə Moskvanın yaxınlaşması təhlükəsini görür, bu da göz qabağındadır. Buna görə də sanksiyalar Çin və Rusiya yaxınlaşmasını azaltmaq üçün Vaşinqtonun malik olduğu çoxlu sayda effektiv vasitələrdən biridir. Amma hələ ki, bu cür sanksiya paketlərinin qəbuluna inanmıram”.
ayna.az
Geri qayıt