ABŞ Ukraynaya yardımı davam etdirəcək?
25-01-2024, 07:59
Ukraynaya 61 milyard dollar maliyyə yardımı ayrılması Amerika siyasətinin əsas məsələlərindən biridir. Son aylarda Demokratlar və Respublikaçılar partiyaları Ağ Ev Administrasiyasının iştirakı ilə Kiyevin Rusiyaya qarşı mübarizəni davam etdirmək üçün yeni maliyyə alması perspektivlərini aktiv şəkildə müzakirə edirlər. Media və siyasi ekspertlər nə deyirlər desinlər, hələ də yekun qərar yoxdur.
Burada bir çox siyasi maraqlar var və Respublikaçılar Partiyası, təşkilatın prezidentliyə ehtimal olunan namizədi Donald Tramp öz siyasi manevrləri üçün bu mövzudan məharətlə istifadə edirlər.
Bu gün bir neçə əsas problem var. Birincisi, ABŞ-ın cənub sərhədi boyunca immiqrasiya qanunlarında dəyişiklik. Respublikaçılar bu məsələdən Ukraynaya pul ayrılmasına səs verməmək üçün bəhanə kimi istifadə edirlər. Demokratlar qarşısında şərt irəli sürülür: Kiyevə yardım ancaq miqrasiya məsələsi ilə yanaşı gəlir. İki tərəf arasında danışıqlar davamlı olaraq davam edir və bu yaxınlarda Ağ Evdə görüş oldu. Amma hələlik konsensus yoxdur.
İkincisi, respublikaçılar Bayden administrasiyasına düzgün sual verirlər: “Ukraynanın qələbəsi üçün plan nədir, Kiyev bundan sonra nə edəcək, Rusiyanı necə məğlub edəcək və ən əsası, ABŞ və bütün amerikalıların burada marağı nədir? Ağ Evdən isə konkret cavab yoxdur.
ABŞ nöqteyi-nəzərindən Prezident Co Bayden təkcə Ukraynanı tam qələbəsinə qədər dəstəkləməkdən danışmamalı, həm də ABŞ üçün bu qələbədə minimum şərtlər toplusunu açıqlamalıdır. Təbii ki, Ukraynanın qələbəsini yalnız ukraynalılar müəyyənləşdirir, lakin ştatlarda yaşayan insanlar Kiyevin hara qədər getdiyini başa düşməlidirlər.
Üçüncüsü, ABŞ-da seçki kampaniyası başlayıb. Tramp Bayden administrasiyası ilə qarşıdurmada Ukraynanı dəstəkləmək mövzusundan fəal şəkildə istifadə edir və bəzi respublikaçılar, xüsusən də ifrat sağçılar onu dəstəkləyir. Bunlar Ukraynaya yardıma mənfi təsir edən çox təhlükəli siqnallardır.
Amerika siyasətinin özəlliklərini, xüsusən də hər bir partiyanın öz mövqelərini yaxşılaşdırmağa çalışdığı Konqresdəki xüsusiyyətlərini unutmaq olmaz. Məsələn, bu yaxınlarda məlumat yayıldı ki, demokratlar Konqresin hazırkı sədri Mayk Consonu (o, respublikaçıdır) Ukraynanın maliyyələşdirilməsi ilə bağlı təkliflərini dəstəkləməyə inandırırlar. Əgər ultrasağ konqresmenlər onu sədrlikdən çıxarmağa cəhd edərlərsə, onun postunu qoruyub saxlaması üçün hər şeyi etməyə hazırdırlar... Yeri gəlmişkən, fikrimcə, əvvəlki spiker Kevin Makkarti ilə də analoji sövdələşmə aparılmalı idi.
Ukrayna və onun hökuməti bu vəziyyətdə nə etməlidir? Bir tərəfdən heç kimin ABŞ-ın daxili siyasətinə qarışmaq hüququ yoxdur. Və burada Ukrayna rəhbərliyinin amerikalı konqresmenlərin hərəkətlərini şərh etməsi yersizdir. Digər tərəfdən, Ukrayna öz tarixindən, mübarizəsindən, prinsiplərindən danışmalıdır. Bu elə edilməlidir ki, Kiyevin tezisləri adi amerikalılar, xüsusən də cənublular və “kənarda” yaşayanlar tərəfindən başa düşülsün və eşidilsin. Həqiqətən də, son vaxtlar informasiyanın bu insanlara təsiri az olub. Xüsusilə respublikaçıların istifadə etdiyi Rusiya təbliğatı Ukraynanı Rusiyanın özündən heç bir fərqi olmayan bir ölkə kimi göstərir: yəni, “xristianlara qarşı mübarizənin olduğu görünən yerdə hakimiyyət korrupsionerdir, Kiyev isə demokratiyadan uzaqdır”.
Ukraynanın vəzifəsi bu tezisləri təkzib etmək və amerikalıları bunun belə olmadığına inandırmaqdır. Ukrayna həqiqətən də öz azadlığını müdafiə edən demokratik ölkədir. Ukraynanın Rusiyaya qalib gəlmək və Krımı azad etmək üçün hər şansı var. Axı ABŞ həqiqətən də tam maliyyə və lazımi silah-sursat təmin edərsə, o zaman Ukrayna ordusu Krım körpüsünü dağıda, cənubda rus qoşunlarına hücum edə və nəticədə Krımı və digər işğal olunmuş əraziləri geri ala bilər. Bu barədə amerikalılara daim məlumat verilməlidir.
Daimi məlumat əks-təbliğatı vəziyyəti dəyişə bilər və bəzi respublikaçıları Ukraynaya daha çox kömək etməyə məcbur edə bilər.
Bu arada, iki Amerika partiyası arasında siyasi mübarizənin necə bitəcəyini gözləyirik və mərclər yüksəkdir. Həqiqətən də ümid edirəm ki, Ukraynaya yardım mümkün qədər tez təsdiqlənəcək.
Müəllif: Uriel Epstein – Ukrayna “Demokratiyanın Yenilənməsi Təşəbbüsü” təşkilatının icraçı direktoru
Mənbə: UNİAN
Tərcümə AYNA-ya məxsusdur
dia-az.media
Geri qayıt