"İran Fələstin üçün İsrailə müdaxilə etməyəcək"
1-11-2023, 08:23
DİA.AZ: - "İran Fələstin üçün İsrailə müdaxilə etməyəcək". DİA.AZ bildirir ki, bu barədə İran KİV-ləri xəbər verib.
İran dini lideri Xamneyiyə bağlı “Keyhan”qəzeti İranın Fələstin üçün İsraillə savaşa girməyəcəyini yazıb.
“İslam İnqilabının prinsipi xalqların oyanması və güclənməsinə əsaslanır və əlbəttə ki, azad olmaq iradəsi olan, lakin əvəzində müharibəyə getməyən hər bir məzlum milləti dəstəkləyir və gücləndirir. Və məhz bu strategiya Amerikanın Qərbi Asiya regionunda İrana qarşı müxtəlif ssenarilərini neytrallaşdırıb”, - qəzet “İran niyə Fələstin məsələsinə görə İsrailə hərbi müdaxilə etmir”, - deyə soruşanlara belə cavab verib.
Xamneyi ilə yaxın əlaqəsi olan jurnalistlərdən Həsən Mafi də “X” səhifəsində yaydığı paylaşımında İranın mövqeyinə belə aydınlıq gətirib:
"İran bunu etməyib, etməyəcək də. İranın yüzlərlə nüvə bombası ilə radikal soyqırım qurumuna qarşı tam hüquqlu müharibə aparacağını və bununla da 85 milyondan çox insanın həyatını riskə atacağını düşünən hər kəs yanılır”.
Geri qayıt