ABŞ iqtisadiyyatın bərpasında gözlənilməz maneələrlə üzləşib
1-07-2021, 14:59
ABŞ hökuməti pandemiya ilə uğurlu mübarizə və məhdudiyyətlərin aradan qaldırılması fonunda hesab edir ki, ölkə iqtisadiyyatı sürətli templə bərpa olunacaq.
“Report” “Reuters”ə istinadən xəbər verir ki, ölkə öz planlarının icrasında gözlənilməz maneələrlə rastlaşıb.
Riçmondda yerləşən Federal Ehtiyat Bankının rəhbəri Tomas Barkin qeyd edir ki, bizneslə bağlı anomaliyalar iqtisadi artımı çətinləşdirəcəklər.
Belə ki, ölkədə işsizlik səviyyəsi yüksək olsa da işçi heyəti çatışmır. Salonların rekord satış həcmlərinə nail olduqları bir zamanda avtomobil sənayesi tədarüklə bağlı problemlər səbəbindən istehsalı ləngidir.
Son həftələr ərzində ölkədə xidmət sahəsində artım qeydə alınıb. Restoranlara gələnlərin sayında da artım müşahidə olunur. Müəssisə rəhbərləri ilə xidmət personalı üçün kadr çatışmazlığından şikayətlənirlər.
Qeyd edək ki, ABŞ-da işsizlərin sayı pandemiyadan əvvəlki dövrlə müqayisədə 7 milyon nəfər daha çoxdur.
Geri qayıt