Gürcüstanda azərbaycanlıların kompakt yaşadığı rayonda seçkilər sakit keçir
21-10-2017, 09:33
Gürcüstanda azərbaycanlıların sıx yaşadığı Marneuli rayonunda yerli idarəetmə orqanlarına seçkilər sakit keçir.
APA-nın yerli bürosunun xəbərinə əsasən, bu barədə rayonun seçki komissiyasından məlumat verilib.
Məlumata əsasən, bu vaxta qədər heç bir qanun pozuntusu qeydə alınmayıb: “Səsvermə prosesi qanuna uyğun gedir. Seçici fəallığı ilə bağlı ilk məlumat saat 10:00-da açıqlanacaq”.
Gürcüstanın Mərkəzi Seçki Komissiyasından ölkə üzrə bütün seçki məntəqələrində seçkilərin azad şəraitdə keçirildiyi bildirilir. Seçkilərin ilkin nəticələrinin saat 20:00-dan, səsvermənin başa çatmasından sonra açıqlanacağı gözlənilir.
Qeyd edək ki, bu gün Gürcüstan seçiciləri 64 bələdiyyəyə (sakrebulo) 2058 üzv və 64 icra başçısı seçəcəklər.
Geri qayıt