Fransada birinci tur prezident seçkilərində Emmanuel Makron qalib gəlib
24-04-2017, 07:54
Fransada birinci tur prezident seçkilərinin qalibi müəyyənləşib.
APA-nın Reuters agentliyinə istinadən verdiyi xəbərə görə, artıq bülletenlərin 100 faizi hesablanıb.
Sabiq iqtisadiyyat naziri, “En Marche” Hərakatının lideri Emmanuel Makron 23,75%, “Milli Cəbhə” partiyasının lideri Marin Le Pen isə 21, 53 % səs toplayıb. Sabiq baş nazir, respublikaçıların namizədi Fransua Fiyon 19,91 faiz səslə üçüncü, solçu namizəd Jan-Lyuk Melanşon isə 19,64 faiz səslə dördüncü yerdə qərarlaşıb.
Beləliklə, Fransada prezident seçkilərinin ikinci turuna Le Pen və Makron adlayıb. Seçkilərin ikinci turu mayın 7-də keçiriləcək.
***
06:03
Fransada birinci tur prezident seçkilərinin nəticələri açıqlanır.
APA-nın RİA Novosti agentliyinə istinadən verdiyi xəbərə görə, hazırda bülletenlərin 97 faizi hesablanıb.
Sabiq iqtisadiyyat naziri, “En Marche” Hərakatının lideri Emmanuel Makron 23,86%, “Milli Cəbhə” partiyasının lideri Marin Le Pen isə 21, 45% səs toplayıb.
Sabiq baş nazir, respublikaçıların namizədi Fransua Fiyon 19,94 faiz səslə üçüncü, solçu namizəd Jan-Lyuk Melanşon isə 19,62 faiz səslə dördüncü yerdə qərarlaşıb.
Beləliklə, Fransada prezident seçkilərinin ikinci turuna Le Pen və Makron adlayıb. Seçkilərin ikinci turu mayın 7-də keçiriləcək.
“Euronews” qeyd edir ki, “Milli Cəbhə” partiyası prezident seçkilərində ilk dəfə olaraq 7 milyona yaxın səs toplayıb. Buna baxmayaraq, rəy sorğuları 39 yaşlı E.Makronun ikinci turda qələbə qazanacağını nümayiş etdirir. Seçkilərin əsas nəticəsi kimi həmçinin Fransa siyasətində 60 il ərzində hakim mövqe tutan sosialist və sağmərkəzçi partiyaların məğlubiyyəti göstərilir.
***
00:36
Fransada birinci tur prezident seçkilərinin nəticələri açıqlanır.
APA-nın “Euronews”a istinadən verdiyi xəbərə görə, ilkin nəticələrə əsasən, sabiq iqtisadiyyat naziri Emmanuel Makron 23, 7 % səs , Milli Cəbhə” partiyasının lideri Marin Le Pen isə 21,7% səs toplayıb.
Beləliklə, Fransada prezident seçkilərinin ikinci turuna Le Pen və Makron adlayıb
Seçkilərin ikinci turu mayın 7-də keçiriləcək.
***
23:26
Fransada birinci tur prezident seçkilərinin nəticələri açıqlanır.
APA-nın RİA Novosti agentliyinə istinadən verdiyi xəbərə görə, ilkin nəticələrə əsasən, “Milli Cəbhə” partiyasının lideri Marin Le Pen öndədir.
Hazırda bülletenlərin 30 faizi hesablanıb. Marin Le Pen 24,78% səs toplayıb. Onun əsas rəqibi, sabiq iqtisadiyyat naziri Emmanuel Makron 21, 75 % səs toplaya bilib.
Məhz bu iki siyasətçinin prezident seçkilərinin ikinci turunda mübarizə aparacağı artıq şübhə doğurmur. Seçkilərin ikinci turu mayın 7-də keçiriləcək.
***
22:26
Fransa prezidentliyinə namizəd Marin Le Pen seçkilərin birinci turunda önə çıxıb.
APA-nın RİA Novosti agentliyinə istinadən verdiyi xəbərə görə, bu barədə seçkilərin təşkili və keçirilməsi ilə məşğul olan Fransa daxili işlər nazirliyinin ilk açıqlamasında bildirilir.
İlkin hesablamalara əsasən, "Milli Cəbhə” partiyasının lideri Marin Le Pen 24,15 % səs toplayıb. Onun əsas rəqibi sabiq iqtisadiyyat naziri Emmanuel Makron ikinci yerdədir (21,43%). Sabiq baş nazir, respublikaçıların namizədi Fransua Fiyon 20,34 faiz səslə üçüncü, solçu namizəd Jan-Lyuk Melanşon 17,96 faiz səslə dördüncü yerdə qərarlaşıb.
***
21:16
Fransada birinci tur prezident seçkilərinin nəticələri açıqlanır.
APA-nın TASS agentliyinə istinadən verdiyi xəbərə görə, ilkin nəticələrə əsasən, sabiq iqtisadiyyat naziri, “En Marche” (Yürüş) Hərakatının lideri Emmanuel Makron öndədir. O, 24% səs toplayıb.
Onun əsas rəqibləri “Milli Cəbhə” partiyasının lideri Marin Le Pen, sabiq baş nazir, respublikaçıların namizədi Fransua Fiyon və "Fəth olunmamış Fransa” hərəkatının başçısı Jan-Lyuk Melanşon 18-20% səs toplayır.
Fransada birinci tur prezident seçkilərində 11 namizəd iştirak edir. Seçkilərin ikinci turu mayın 7-də keçiriləcək.
***
18:26
Bu gün Fransada keçirilən prezident seçkiləri ilə bağlı ilk exit-pollun nəticələri məlum olub.
APA-nın məlumatına görə, Belçikanın RTBF telekanalı saat 12.00-a exit-pollun nəticələrinə əsasən sabiq iqtisadiyyat naziri, “En Marche” (Yürüş) Hərakatının lideri Emmanuel Makron və radikal Milli Cəbhənin lideri Marine Le Pen prezident seçkilərinin birinci turunda liderlik edirlər.
Exit-polla əsasən E. Makron səslərin 24 faizini, M. L. Pen səslərin 22 faizini toplayıb. Sabiq baş nazir, respublikaçıların namizədi Fransua Fiyon 20,5 faiz səslə üçüncü, radikal solun namizədi Jan-Lyuk Melanşon 18 faiz səslə dördüncü yerdə qərarlaşıb.
Geri qayıt