Bir fotoya görə məmur istefa verdi
11-02-2017, 10:58
Llitva turizminin ən yüksək vəzifəli şəxsi - Turizm Dairəsi prezidenti Jurgita Kazlauskiene ölkənin tanıdılmasıyla bağlı bəzi fotoların başqa ölkələrə aid olması üzə çıxandan sonra istefa vermək məcburiyyətində qalıb.
Finlandiya və Slovakiyaya aid fotoların yer aldığı sosial media kampaniyası "Həqiqət gözəldir" adı altında keçirilirmiş.
Hadisənin üzə çıxmasından sonra Jurgita Kazlauskiene istefa versə də, qurumun açıqlamasında digər ölkələrə aid fotoların "əyləncə məqsədi ilə" paylaşıldığı bildirilib. Bu da Litvadakı sosial şəbəkə istifadəçiləri arasında acı gülüşlə qarşılanıb. Bir çox istifadəçi başqa ölkələrə aid fotoları paylaşaraq #litva və # həqiqət gözəldir yarlıqlarından istifadə edib.
Litvanın baş naziri Saulius Skvernelis də sosial şəbəkə istifadəçilərinin bu kampaniyasına qoşulub. Baş nazir Avropa Komissiyasının Brüsseldəki binasının fotosunu "Llitvanın yeni hökumət binası"adı altında paylaşıb.
Geri qayıt