AB itkiləri bərpa edir
29-06-2016, 08:44
İyunun 28-də dünyanın səhm bazarları Britaniyanın Avropa Birliyindən çıxmaqla bağlı qərarından sonra verdiyi 3 trilyon dollarlıq itkinin bir hissəsini bərpa edib. Avropa Mərkəzi Bankının rəhbəri itkinin gözlənildiyi kimi böyük olmamasından rahatlandığını bildirib.
Mario Draghi Brüsseldə AB sammitində liderlərə söyləyib ki, Brexit-in vurduğu maliyyə ziyanı hələlik idarəolunan səviyyədədir. Bunu AB Şurasının Prezidenti Donald Tusk bildirib.
“Prezident Mario Draghi bu gecə çox aydın danışdı... mənfi təsirlər Brexit-dən əvvəl gözlədiyimizdən daha az mənfidir”, Tusk deyib.
Ancaq Draghi AB liderlərinə onu da deyib ki, Britaniyanın qurumdan çıxmasıyla gələn üç il ərzində avrozonadakı artım 0.3-0.5 faiz azala bilər.
İyunun 28-də bütün dünyada səhmlər son 3 gündə ilk dəfə olaraq artıb. Məzənnəsi düşmüş funt sterlinq və avro da yüngülcə qalxıb.
Geri qayıt