Ən böyük birgə hərbi təlim başlanır
7-03-2016, 08:43
Martın 7-də Birləşmiş Ştatlar və Cənubi Koreya birgə hərbi təlimlərə başlayıblar. Bu, iki ölkənin indiyədək keçirdiyi ən böyük birgə təlim sayılır.
Hərbi mənbələrin məlumatına görə, aprelin sonunadək çəkəcək məşqlərə Cənubi Koreyadan 300 min, ABŞ-dan 15 min hərbçi qatılacaq.
Cənubi Koreyanın Müdafiə naziri Han Min-koo bu təlimlərin ötən ildəkində iki dəfə böyük olduğunu bildirir.
Pxenyan təlimlərin başlanacağı halda iki ölkəyə qarşı “qabaqlayıcı nüvə zərbəsi” ilə hədələyib.
İki gün öncə BMT Şimali Koreyanın nüvə və ballistik raket sınaqlarına görə yeni sanksiyalar qoyub.
Hərbi təhlilçilər Pxenyanın raketlərə nüvə başlığı yerləşdirməsi qabiliyyətinə şübhəylə yanaşırlar.
Geri qayıt