Sahil Babayevdən şəhid ailələrinə 15 manatlıq həqarət:
24-12-2020, 11:25
Əmək və Əhalinin Sosial Müdafiə Nazirliyi deyəsən, şəhid ailələrini ələ salmağı özünə söz verib.
Reportyor.info xəbər verir ki, nazirlik tərəfindən şəhid ailələrinə göndərilən yardımların siyahısına baxanda bu qənaətə gəlmək olur.
Sosial şəbəkələrdə yayılmış fotolarda öz əksini tapan həmin yardımlar şəhid ailələrini təhqir etməkdən başqa bir iş deyil.
Məlum olur ki, nazir Sahil Babayevin yarıtmaz fəaliyyəti nəticəsində şəhid evlərinə yağ, çay, qənd, un, makaron, qarabaşaq, mərci, düyü, kartof, soğan, kolbasa, konserv, sabun və yuyucu toz göndərilir.
Müşahidəçilər və sosial media aktivistləri tərəfindən deyilənlərə görə, qazilərimizə nisbətən şəhid ailələrinə yardımlar 50 faiz artıq verilib. Bu da təbii ki, ironiya və istehza ilə yazılan ictimai qınaqdır.
Hesablamalara görə, hər şəhid evinə çatan yardımın ümumi məbləği cəmi 15 manat edib. Yəni, yuxarıda qeyd olunan ərzaqlar və məhsulların üst-üstə qiyməti 15 manatdan artıq deyil.
Bu da övladını Vətənə qurban verən ailələrə, Qarabağ üçün canından keçib ata-anasını, bacı-qardaşını dövlətə əmanət edən oğulların ruhuna həqarətdir. Sahil Babayev bu siyasəti nə qədər davam etdirəcək bilinmir.
Lakin bilinən yeganə həqiqət odur ki, nazir vəzifəsində uzun müddət qala bilməyəcək. Onun və əməkdaşlarının belə münasibəti dövlətə zərbədir.
Geri qayıt