ARDNŞ-dəki ixtisarlar dalğası sırası «Rövnəq Abdullayevin ordusu»na da çatdı
8-10-2014, 11:37
DİA.AZ: - «Dövlət Neft Şirkətində yeni ixtisarlar planlaşdırılır. Əslində bu ixtisarların olacağını ARDNŞ rəhbərliyi çoxdan anons etmişdi. Sadəcə olaraq ajiotajdan yayınmaq üçün ixtisarlar bir dəfə yox, tədricən həyata keçirilir». Bu məlumatı DİA.AZ-a şirkətdəki məlumatlı mənbə verib.
Sonuncu dəfə 300 ARDNŞ çalışanının işdən alındığını bildirən qaynaq iddia edir ki, yaxın günlərdə 1000-ə yaxın neft şirkəti əməkdaşının işdən atılması gözlənilir. Dia.az-a danışan qaynağın sözlərinə görə, bu dəfə işdən atılanların böyük əksəriyyəti ARDNŞ Təhlükəsizlik İdarəsinin işçiləri olacaq.
Xatırladaq ki, hazırda sözügedən idarənin 5000-ə yaxın əməkdaşı var və görünəni odur ki, bir zamanlar «Rövnəq Abdullayevin ordusu» adını alan bu idarənin də saxlanması ARDNŞ üçün əlavə vəsait problemi yaradıb.
Qeyd edək ki, ARDNŞ Tİ-nin əməkdaşlarından daha çox neft şirkətinə aid torpaqlarda qanunsuz inşaat işlərinin qarşısının alınmasında istifadə olunur. Və bu «ordu» özünün xüsusi amansızlığı ilə çeilir.
Geri qayıt