Nazir müavini bu suallara CAVAB VERƏCƏKMİ?
25-01-2022, 10:06
Biz, dəfələrlə ölkəmizdə olan ekoloji problemləri xəbər portallarımızda işıqlandırmışıq. Amma çox təəssüflər olsun ki, bununla bağlı müsbətə doğru hər hansı bir addım atılmamışdır. DİA.AZ bildirir ki, bu barədə azinfo.tv saytı məlumat yayıb.
Daha sonra sayt yazır:
"Meşələrimizdə olan "yaşıl terror"un başında Meşələrin İnkişafı Xidmətinin sabiq rəisi Namik Xıdırovun olduğunu deyirdik, sən demə bunun başında Namik Xıdırov cənabları yox, bir başa Ekologiya və Təbii Sərvətlər nazirinin müavini Vüqar Kərimov dayanır. Vüqar müəllimin ölkə ekoloji sisteminə vurduğu ziyanın sayı-hesabı yoxdur. Görəsən, Vüqar müəllimin vurduğu bu qədər ziyanları kim ödəyəcək?!
İstərdik ki, həmin cinayətlərin bir neçəsini sadalayıb, birbaşa Vüqar müəllimin özünün bunlara açıqlama verməsini gözləyək:
- Öz dost-tanışlarını Regional Meşə Təsərrüfatları Mərkəzlərində yerləşdirmək;
Tələbə yoldaşı
Adəm Ismiyevi Masallı Regional Meşə Təsərrüfatı Mərkəzinə direktor təyin etdirmişdir. Halbu ki, Adəm ixtisasca bədən tərbiyə müəllimidir və o, həmin vəzifəyə Cəlilabad Rayon İcra Hakimiyyətindən transfer olunmuşdur. Sual olunur Vüqar müəllimə: Ölkəmizdə kifayət qədər meşəçilər olduğu halda, heç soruşsanız belə ağacların cinsini, meşənin funksiyasını bilməyən bir idman müəllimini nə məqsədlə Regional Meşə Təsərrüfatı Mərkəzinə direktor vəzifəsinə təyin etdirmişdiniz ?! Görün, Adəm İsnmiyev də necə arxayınçılıq yaranmışdı ki, sənəti olmayan silahla, vəzifəsindən sui-istifadə edərək qeyri-qanuni (ov qadağan olan yerdə) meşələrdə ki, heyvanların ovuna çıxmışdır və məsələnin üstü açılandan sonra A.İsmiyevə ən yaxşı variant "ərizəni yaz, işdən çıx) Deyilənə görə, Vüqar Kərimov dostu Adəmə deyib ki, narahat olma qoy bir az ara sakit olsun, səni bir başa Nazirliyə yanıma çəkib gətirəcəm;
Vüqar Kərimovun Lənkəran Regional Meşə Təsərrüfatı Mərkəzində "qara kassa"sı olan dostu , el arasında "şpal Sərraf" ləqəbilə tanınan, təhsili olmayan belə Sərraf Quliyevi Lənkəran Regional Meşə Təsərrüfatı Mərkəzinə baş mühafizə mühəndisi vəzifəsinə təyin etdirdi. Sərraf Quliyev bir neçə il bundan öncə Masallıda kı, mebel sexlərinə "şpal" (material) daşıyırdı. Sual: təhsili olmayan və tərçümeyi-halını belə yaza bilməyən bir şəxsi bu böyük vəzifəyə neçə qoyublar?;
Vüqar müəllimin yaxını olan iki qardaşı: Yadigar Əmirovu Hirkan Milli Parkına, Ceyhun Əmirovu isə Lənkəran Regional Meşə Təsərrüfatı Mərkəzinə sahə rəisi vəzifəsinə təyin etdirdi. Yadigar Əmirov təhsili olmadığı halda bu vəzifəyə neçə gəldi?
Ceyhun Əmirov isə Haftoni meşəbəyliyində olan "Beta" şirkətinə verilən icarəyə görə işdən uzaqlaşdırıldığı halda, neçə oldu ki, onu yenidən vəzifəyə gətirdilər?;
-Dövriyyədə olan əkinlərin baxımsızlığdan batması və buna görə heç kimin cəzalanmaması. Olmayan əkinlərə saxta naryadların (xidmət, suvarma) yazılması.
Batan əkinlərin gizlədilməsi. Faktiki olmayan əkinləri, oldu kimi göstərib 5 il, olmayan təbii bərpaları isə 7 ildən sonra saxta yolla örtülü meşə sahəsinə keçirmələri. Vüqar müəllim gəlib sözügedən əkin və təbii bərpaları göstərsin;
-Dövlət meşə fondu və qeyri-meşə torpaqlarının qazılıb satılması. Bu barədə kifayət qədər əlimizdə sübut olaraq material (videoçəkiliş vı fotoşəkillər) vardır;
-Dövlət meşə fondunda olan torpaqların vətəndaşlara ev yeri və digər tikililər üçün satılması. Son bir ilin sputnikdən çəkilmiş şəkilləri bunun əyani sübutudur;
-Dövlət meşə fondunda olan zəbtlərin (ev, ferma, mal-qara tövlələri, istirahət mərkəzləri və s). Hazırda meşələrdə mal-qara saxlanılır və fermaların akt yazmasında dövlətə dəymiş ziyan yazılmır (gizlədilir) ;
-Dövlət meşə fondunda olan torpaqların kənd təsərrüfatı bitkilərin əkmək məqsədilə vətəndaşlara satılması: Məsələn, Masallı Regional Meşə Təsərrüfatı Mərkəzininın Göytəpə meşəbəyliyinin 18 saylı dolayında 40 hektardan çox meşə torpağı qeyri-qanuni yolla kənd təsərrüfatı bitkiləri əkilir;
-Dövlət meşə fondunda 150 hektardan çox meşə torpağın sahibkarlara(ferma sahiblərinə) örüş kimi satılmasıi:
Cəlilabad meşəbəyliyinin 8 saylı dolayında 40 hektardan çox yer,
Yeyənkənd meşəbəyliyin 16 saylı dolayında 30 hektar və 14 saylı dolayında isə 40 hektardan çox yer örüş kimi , orada olan mal-qara tövlə (ferma) yiyələrinə satılması;
-Dövlət meşə fondunda salınan balıqçılıq gölləri: Yeyənkənd meşəbəyliyində bir neçə göl;
-Saxta qırma sahələri:
Sanitar qırma adıyla ağaclar nömrələnir: Bir ağaca iki nömrə, 30 dərəcə mailliyi çox olan yerdə vurulan nömrələr, doluluğu 0.5 dən aşağı olan meşələrdə vurulan nömrələr və seçib "işlik" materiallıq üçün sağlam ağaclara nömrələrin vurulması;
-Mühafizəyə aid olmayan (damğası olmayan) işçilərin meşələrə salıb, saxta yoxlamaların keçirilməsi. Bəzən əmrsiz yoxlama və həmin işçilərin qırıntılara akt da tərtib etməsi;
-Saxta yoxlamaların keçirilməsi ; ildə 6 dəfə keçirilən operativ, 2 yaz-payıb və 2 nəzarəti yoxlama;
-İstirahət mərkəzlərinə müqavilələrin bağlanmaması və ya artırılmaması. İstirahət mərkəzlərinin əksəriyyəti müqavilə bağlamaq və vaxtı bitən müqavilələri artırmaq üçün Meşələrin İnkişafı Xidmətinə müraciət etsələr də, çox təəssüflər olsun ki, onlara bildirmişdilər ki, hələlik müqavilə bağlanmır. Deyilənə görə, hər il sözügedən istirahət mərkəzlərindən haqq (dolya) yığılır. Masallı Regional Meşə Təsərrüfatı Mərkəzində o dolyanı Abturab Bağırov yığır;
-Qeyri-meşəçi və orta ixtisas təhsillilərin Regional Meşə Təsərrüfatı Mərkəzlərində baş mühəndis və mütəxəssis vəzifələrini tutması. Adını da yalandan qoyullar ki, guya ali təhsilli və məşəçi kadrlar tapa bilmədiyimiz üçün bunları baş vəzifələrə yığmışıq və s".
İddia olunanlarla bağlı dia.az olaraq qarşı tərəfin də mövqeyini dinləməyə hazırıq.
Geri qayıt