"Bir gənc ailənin altı ildir ki, uşaq üzünə həsrət qalmasını yaxşı anlayarsınız"
21-05-2016, 09:23
Cəlilabad rayon (Svetlaya – zarya) indiki Muğan kənd sakini Qürbətov Anar Musa oğlu Moderator.az -a ünvanladığı məktubunda səhiyyə naziri Oqtay Şirəliyevdən kömək istəyib.
Müraciətdə deyilir:
Hörmətli cənab nazir!
Yazıb sizə bildrimək istəyirəm ki, mən Qürbətov Anar Musa oğlu 1979 – cu ildə anadan olmuşam. Hal – hazırda işsizəm və dövlət tərəfindən verilən sosial yardımla dolanıram. Səhhətimdə yaranmış problemə görə altı ildir ki, uşağım olmur. Həkimlər mənə “faiz aşağılığı” diaqnozu qoyublar. Bununla bağlı 2012 – 2013 cü illərdə Sumqayıt şəhərində yerləşən “Şəfqət” klinikasında Fikrət həkimin başçılığı ilə müalicə olundum. İrəliləyiş də oldu. Amma, hər dəfə müailcə olunmağa maddi imkanım çatmır.
Hörmətli cənab nazir!
Bir gənc ailənin altı ildir ki, uşaq üzünə həsrət qalmasını yaxşı anlayarsınız. Sizdən xahiş edirəm ki, mənim müalicə olunmağım üçün nəzarətinizdə olan xəstəxanalardan birinə müvafiq göstəriş və tapşırıqlarınızı verəsiniz.
Öncədən sizə özüm və ailəm adından təşəkkür edirəm.
Tel: 051 – 304 – 30 – 84
Geri qayıt