Ağadadaş Ağayevlə bağlı yeni detal:
24-07-2024, 08:45
"Axı olub ki, Ağadadaş Ağayev əlinə balta alıb xəstəxanadakı mühafizəçiyə hücum çəkir? Ağayev Xalq artistidir, ölkədə kifayət qədər tanınan adamdır, hər halda xəstəxanaya quldurluq məqsədilə basqın etmək niyyəti olmayıb. Hadisə 22 iyulda səhər saatlarında baş verib. Hadisənin gecəsi isə Ağadadaş Ağayev məhz "Medera"da əməliyyat olunub. Ağadadaş Ağayev "Medera" ilə çox yaxın məsafədə yerləşən, özünə məxsus olan "Büsat" şadlıq evinin həyətində özünə ikimərtəbəli ev tikib, orada yaşayır.
Pravda.az xəbər verir ki, bunu jurnalist Məhəmmədəli Qəribli bildirib.
"Hadisənin baş verdiyi günün gecəsi Xalq artisti içkili vəziyyətdə öz evində yıxılır və qulağnı zədələyir. Onu gətirirlər "Medera"ya və gecə qulağına 6 tikiş qoyurlar. Hətta MRT-də olunur. Əməliyyatı da əslən Masallıdan olan bir həkim edib. Bildirilir ki, bütün bunların müqabilində Ağadadaş Ağayev "Medera"ya 1000 manat pul ödəyir. Səhər baxır ki, qulağında ağrı var, mühafizəçidən xahiş edir ki, evə bir tibb bacısı göndərsin. Nəticədə kobud cavab alır. Sonrasını da gördünüz. Götürək ki, Ağadadaş Ağayaev səbirsilzik edib, əlinə balta götürüb gəlib ora. Mühafizəçi bir qədər fərqli davrana bilərdimi? Təbii ki, bilərdi! Ən azından qapını bağlayıb, polisə zəng edə bilərdi ki, Ağadadaş Ağayev əlində balta xəstəxanaya hücum edib. Deməli, mühafizəçi də, əsəbi və davaya meyilli adam olub. İndi görün, belə bir adam Azərbaycanda ən tanınan müğənnilərdən olan bir şəxsə qarşı əsəblərini cilovlamağı bacarmayıb bu cür davranıbsa, onda ora müraciət edən sadə adamlarla necə rəftar edib?"
Geri qayıt