"İndiyə qədər onu yuxularımda görürəm..."
24-01-2014, 08:44
Rəqqasə Oksana Rəsulovanın Milli.Az-a müsahibəsi.
- Uşaqlıqdan bu vaxta qədər başınızda qalan adət hansıdır?
- Cizgi filmlərinə baxmaq. Uşaqlıqda cizgi filmlərinə həddindən artıq çox baxırdım. İndi də bu vərdişimi tərgidə bilməmişəm (gülür).
- Həyatınızda ən acı həqiqət hansıdır?
- Ailə, övlad sahibi olmamağım.
- Bəs xoşunuza gəlməyən nədir?
- Yalançı və paxıl insanların olmağı. Bəzən də bu insanların təsadüfən gəlib mənim əhatəmə düşməsi.
- Paxıllığınızı çəkənlər çoxdur ki?
- Bəli, belə insanlar var. Amma bilmirəm ki, mənim paxıllığımı niyə çəkirlər.
- Elşad Xosedən niyə ayrıldınız?
- Bu ailədaxili sirrdir. Onu açıqlamayacam, yalnız bunu deyə bilərəm ki, mən bir daha ona qayıtmayacam.
- Ondan sonra sizə elçi düşən olub?
- Xeyr, buna imkan verməmişəm.
- Bəs yenidən ailə qurmaq haqqında düşünürsünüz?
- Bundan sonra düşünmürəm.
- Bu yaşa qədər nəyə cəhd etdiniz ki, o, sizdə alınmadı?
- Ailə qurmaq məndə alınmadı.
- Nə dəyişib sizdə?
- Sərtləşmişəm. Rəfiqələrimi həyatımdan silmişəm.
- Sizin üçün çətin olan nədir?
- Səbrli ola bilmirəm. Çox səbrsiz insanam.
- Sonucu dəfə haçan ürəkdən oynamısınız?
- Mən bütün rəqslərimi ürəkdən oynayıram. Xüsusən də hind rəqslərini. Bu, məndə çox yaxşı alınır.
- Nədən soyumusunuz?
- Sanki bir az işlərimdən soyumuşam. Təsəvvür edin ki, mən müqavilə əsasında Hindistana getməliyəm, amma nədənəsə getmək istəmirəm. Heç özüm də bunun nə ilə əlaqədar olduğunu bilmirəm.
- İndiyə qədər qəlbinizi ağrıdan səhvləriniz var?
- İki böyuk səhvim var ki, onun təsiri hələ də məndə qalıb. Amma onların nə olduğunu deməyəcəm.
- Nədən gileylənirsiniz?
- Haqsızlıqdan, qadın zorakılğından, ananın istəyə-istəyə doğulmamış uşağından qurtulmaq istəməsindən və s.
- “Başınızı götürüb” hara qaçmaq istəyirsiniz?
- Anamın, atamın yanına. Orada rahatlıq tapıram.
- Kompleksləriniz var?
- Bəli, var. Amma açıqlamayacam, çünki şəxsidir.
- Çıxılmaz vəziyyətə düşəndə nə edirsiniz?
- Çalışıram ki, özümü itirmədən ələ alıb problemi həll edim.
- Gözünüzün qabağından getməyən hadisə hansıdır?
- Yaxın rəfiqələrimdən birinin yas mərasimi, onu məzarda görmək heç vaxt gözümün qabağından getmir. İndiyə qədər onu yuxularımda görürəm.
- Get-gedə sizdən nəyin uzaqlaşdığını hiss edirsiniz?
- Gənciliyimin...
- Nəyə peşmansınız?
- Anamın sözlərinin qədrini bilmədiyim üçün peşmançılıq hissi duyuram. İndi ağıllanmışam.
- Mən təəssüf edirəm ki... Bu fikri necə tamamlamaq istərdiniz?
- Mən təəssüf edirəm ki, ötən illərimi qaytara bilmirəm. Hər şeyi başqa cür başlamaq şansım olmadığına görə çox üzülürəm.
Geri qayıt