“Bakıda yaşamaq özü bir cəhənnəmdə yaşamaq deməkdir”. Nə qədər qəribə səslənsə də, bu sözlərin müəllifi Bakıda işgüzar karyerasını quran sadə bir kəndli övladı Vasif Məhərrəmlidir.
“Adam içində” verilişinin ekspert qonaqlarından biri müğənni Vasif Məhərrəmli idi. Veriliş boyu son dərəcə aktiv görünən müğənni taleyi müzakirə olunan qəhrəmanlardan birinə fikir bildirərkən öz mövqeyini açıq-aydın nümayiş etdirdi. O, coğrafiya elminə bələd olduğunu vurğulayaraq Bakının ekoloji cəhətdən qənaətbəxş olmadığını bildirərək paytaxtımız haqda arzuolunmaz fikirlər səsləndirdi. Bunun məqsədyönlü olub olmadığına varmadan təkcə onu qeyd etmək yerinə düşərdi ki, Bakı dünya ekoloji ariyalında dördüncü dairəvi xətdə təsbit olunub. Elə olmasaydı, burada inkişaf hər mərhələdə, o cümlədən şou biznesdə müşahidə olunmazdı.
