KTN-də struktur İSLAHATLARI...
15-11-2023, 08:41
İşğaldan azad olunan ərazilərdə kənd təsərrüfatının inkişafı, yeni-yeni üzüm bağlarının salınması və bir sıra şəffaflığı əks etdirən məsələlər Kənd Təsərrüfatı Nazirliyinə tabe olan Elmi-Tədqiqat İnstitutlarının işini günün tələblərinə uyğunlaşdırmalarını tələb edir.
Bu mənada Faktinfo.az saytının əldə etdiyi məlumatda bildirir ki, Elmi-Tədqiqat İnstitutlarında idarəçiliyin optimallaşdırılması, struktur islahatları həyata keçiriləcəyi gözlənilir.
Maliyyə israfçılığının qarşısını almaq, elmi-tədqiqat işlərinin aparılmasını sürətləndirmək, üzüm ting sortlarının yetişdirilməsini təmin etmək, əkinçiliyin, toxumçuluğun əhatəli inkişafına nail olmaq məqsədilə ilkin olaraq, Əkinçilik, Üzümçülük və Şərabçılıq Elmi-Tədqiqat İnstitutlarının Azərbaycan Dövlət Aqrar Universitetinə (ADAU) birləşdirilməsi nəzərdən keçirilir.
Qeyd edək ki ,adı keçən Üzümçülük və Şərabçılıq Elmi-Tədqiqat İnstituna ayrılmış dövlət vəsaitindən səmərəsiz istifadəyə, üzüm ting sortlarının yetişdirilməsi üçün bir neçə milyon manatın ayrılmasına rəğmən, istənilən nəticənin əldə edilməməsinə, keçirilən tenderdə uyğunsuzluğa və s. məsələrdən mətbuat zaman-zaman yazıb.
Mənbə: Faktinfo.az
Təqdim etdi: DİA-AZ.COM (Ərsoyun Bloqu)
Səhifəmiz bütün maraqlı tərəflərin rəyləri üçün açıqdır...
Geri qayıt