MTN-də hərbi xidmət məmur balalarına necə qismət olurmuş...
29-04-2016, 08:37
«Təzadlar»a vaxtilə MTN-də çalışmış, lakin özlərinin qeyd etdikləri kimi, Eldar Mahmudov və ətrafının MTN-ni «OBXSS» üsul-idarəsinə çevirmələri sayəsində mövcud biabırçı vəziyyətə dözməyərək işdən gedən «çekist»lərdən müraciət daxil olmuşdur… Bu gün həmin şikayətçilərdən ikisi redaksiyamızda oldu və cənab Prezident İlham Əliyevə ünvanlı müraciətlərini təqdim etdilər. Lakin «KİV haqqında» Qanunun tələblərini nəzərə alaraq hələki adlarının ictimailəşməsini istəmədiklərini bildirdilər…
«Təəssüflər olsun ki, qəsdən KİV-lərdə adlarını həbs olunmuş kimi yazdıran bəzi rüşvətxor generallar, əslində, azadlıqda, öz keflərindədirlər…»
Beləliklə, Prezident İlham Əliyevə və DTX-nin rəisi Mədət Quliyevə ünvanlı müraciəti ixtisarla təqdim edirik:
«Çox hörmətli Cənab Prezident!
Hörmətli cənab rəis!
Təəssüflə qeyd etməliyik ki, MTN kimi dövlətimizin təhlükəsizliyi keşiyində durmalı olan bir qurum bəzi səriştəsizlərin sayəsində dağılmış və viran qalmış struktur vəziyyətinə gətirildi. Amma Cənab Prezident» Sizə minnətdarıq ki, vaxtında Eldar Mahmudov və komandasının daha rüsvayçı hərəkət və fəaliyyətlərinin qarşısı alındı…
Biz-müəyyən səbəblərdən MTN sıralarını könüllü tərk etmiş peşəkar kadrlar (zabitlər) nazir Eldar Mahmudovun ətrafına yığdığı və necə deyərlər, süd iyi burnundan getməmiş general etdiyi dəstəsinin dırnaqarası fəaliyyəti sayəsində böyük tarixi keçmişi olan bir qrumu zəlil günə saldılar. Ulu Öndər Heydər Əliyev kimi bir generalın uzun illər rəhbəri oluduğu bir qurum haqqında niyə indi təəssüf hissi ilə danışmalı idik? Amma min dəfə təəssüflər olsun ki, biz indii buna məhkumuq. Bizi ən çox təsirləndirən isə budur ki, MTN-nin adına olmazın ləkəni vurmuş həmin yüksək çinlilər, bu sırada generallar, indi öz kefindədirlər və onlar mətbuata guya həbsdə olmaları barədə məlumat sızdırırlar, diqqəti özlərindən yayındırırlar. Məsələn, mətbuatda oxuyuruq ki, «…Baş Prokurorluğun rəsmi məlumatına görə, indiyədək iş üzrə istintaqa 22 nəfər cəlb olunub, 1 nəfər axtarışa verilib, 1 nəfər isə ev dustaqlığındadır. Və indiyədək “MTN işi” ilə bağlı iş üzrə 130 epizod araşdırılıb. MTN-çilərin cinayət əməlləri nəticəsində hüquqları pozulmuş 100-ə yaxın sahibkar-iş adamı zərərçəkmiş şəxs qismində tanınıb. İş üzrə həbs olunmuş Antiterror Mərkəzinin rəis müavini İlqar Əliyev Bakı İstintaq Təcridxanasında intihar etmişdir. Həbsdə olan MTN-çilərdən 36 yaşlı general-mayor Vüqar Allahquliyev, MTN-nin Baş İdarə rəisi, general-mayor Tarverdi Məmmədov, Baş İdarə rəisi general-mayor Pərviz Səfərov, generallığın bir addımlığında olmuş MTN-in Hava Limanı İdarəsinin rəisi, polkovnik Pərviz Vəliyev, nazirliyin Kadrlar İdarəsinin rəis müavini polkovnik Tehran Babatov, MTN-in Xətai rayon şöbəsinin rəisi Rafiq Hümbətov, milli təhlükəsizlik nazirinin müavini, general-mayor Elçin Əliyev, MTN-in Antiterror Mərkəzinin idarə rəisinin müavini, polkovnik Nail Tağızadə və başqalarının adı var. Həmçinin MTN-nin İstintaq Baş İdarəsinin rəisi Mövlam Şıxəliyev işdən çıxarılıb və yuxarıda qeyd etdiyimiz kimi, istintaqa çağırılıb, onun şöbə rəisi Vüsal Əfəndiyev həbsdədir…».
Cənab Prezident!
Bu məmur-generallar əsil həqiqətdə azadlıqja gəzirlər, öz ənənəvi bahalı maşınlarında istirahətlərindən, turist səfərlərindən qalmırlar. Və biz təəssüflə onu bildirmək istəyirik ki, məsələn, rütbə daşıyan hansısa vəzifəli şəxs dövlətçilik əleyhinə yad əməl tutursa, həm də onun rütbəsi əlindən alınır. İndi nə vəziyyət yaranıb: MTN kimi bir qurumu məhv etmiş, iş adamlarını, sahibkarları şantaj edərək külli miqdarda rüşvət almış, sonda vəzifəsindən qovulmuş bu adamlar indii evlərində oturub yığdıqları pulları xərcləməklə məşğul olduqları bəs deyil, hələ bir general rütbəsinə görə dövlətdən külli miqdarda müavinət də alırlar.
Odur ki, yuxarıdakı siyahıda adı keçən və ya bu siyahıda adı olmayan, lakin həbs edilməli olan bəzi general və ya yüksək rütbəlilərin barəsində ilginc məlumatları diqqətinizə çatdırmaq istəyirik.
Siyahıya bir daha diqqət yetirək:
-MTN-nin Zıgdakı hərbi hissəsinin rəisi, 36 yaşlı general general-mayor Vüqar Allahquliyev;
-MTN-nin Baş İdarə rəisi, general-mayor Tarverdi Məmmədov;
-Baş İdarə rəisi, general-mayor Pərviz Səfərov;
-MTN-in Bakı Hava Limanı İdarəsinin rəisi, polkovnik Pərviz Vəliyev;
-MTN-nin Kadrlar İdarəsinin rəisi, general-mayor Əlimusa Əliyev;
-MTN-nin Kadrlar İdarəsinin rəis müavini, polkovnik Tehran Babatov;
-MTN-in Xətai rayon şöbəsinin rəisi Rafiq Hümbətov;
-Milli təhlükəsizlik nazirinin müavini, general-mayor Elçin Əliyev;
-MTN-in Antiterror Mərkəzinin idarə rəisinin müavini, polkovnik Nail Tağızadə və başqaları…
Başlayaq MTN-nin Kadrlar İdarəsinin rəisi, bu günlərdə Mədət Quliyev tərəfindən vəzifəsindən çıxarılmış general Əlimusa Əliyev və onun müavini, hələ də sərəncamda olan, vəzifə gözləyən, pulunu aldığı, indii qapısını döyənləri arxayın etmək üçün tezliklə yüksək vəzifə tutacağı barədə yalan vədlər verən polkovnik Tehran Babatovdan… Onların əməllərini sıralayıb xatırladıqca, ən adi adamın belə ayağının altından az qalır ki, yer qaçsın. Tehran Babatov rəisi Əlimusa Əliyevdən əvvəl vəzifəsindən çıxarıldı. Amma o, azadlıqda gəzir, ona-buna hədə qorxu da gəlir. Amma hamı bilir ki, Milli Təhlükəsizlik Nazirliyində oktyabrın 17-də baş tutan xüsusi əməliyyatdan sonra T.Babatov həbs edilməli idi. Hansı ki, o, Eldar Mahmudovun ən sədaqətli adamı olub, bütün alver məsələləri, işə götürmə və MTN-in Heydər Əliyev adına Akademiyasına kursant qəbulunda tələb olunan pulun dərəcəsini müəyyən edən olub. Biz canlı şahid və bəlkə də zərərçəkənlərik ki, Tehran Babatovun şəxsən özü birbaşa Nazirliyin özünə və ya Bakı qarnizonuna təyinat alan şəxslərdən 70 min dollar, Bakı qarnizonundan kənarda yerləşən rayon strukturlarına qəbul edilən əməkdaşlardan isə 50 min dollar rüşvət tələb edibdir. Həmçinin, Akademiyaya kursant qismində qəbul üçün 150 min dollar, dinləyici kimi qəbula isə 30 min dollar rüşvət tələb olunub. Rayon bölmələrindən yerdəyişmə, hərbi hissələrə MTN-nin xüsusi şöbə rəisi kimi təyinatın isə özgə qiyməti olub… O da bilirdi ki, peşəkarın pulu olmazdı, qeyri-peşəkarın isə savadı. Ona görə də orduda çekistlərimizin indii də yeri görünür. Xırdalığa getmək istəmirik, amma…
(Davamı var)
«Təzadlar»
Geri qayıt